សហគមន៍ដំរីភូមិពូតាំង (PuTaing Elephant Com) ​ស្ថិតក្នុងភូមិពូតាំង ស្រុកកែវសីម៉ា ខេត្តមណ្ឌល​គីរីនៅ​ជាប់​ដែន​ជម្រក​សត្វព្រៃ​កែវ​សីម៉ា។ មានចម្ងាយ​ប្រហែល​20គីឡូ​ម៉ែត្រពីទីក្រុងសែនមនោរម្យ ភាគ ខាងលិច​នៃរង្វង់មូលខ្ទីង។​ថ្វីត្បិតតែភូមិនេះស្ថិត​នៅមិនឆ្ងាយប៉ុន្មនាពីទីរួមក្រុងសែន​​មនោរម្យ ប៉ុន្តែនេះ ជាភូមិដ៏ចំណាស់មួយស្ថិតនៅកណ្តាល​វាល​ទំនាប​អម​ដោយ​ខ្នងភ្នំ និង ជ្រលងធំៗ ដែលអាច​ឲ្យ​យើង​ឈរពីលើកំពូលភ្នំមើលទិដ្ឋភាពទាំងមូលនៃព្រៃសហគមន៍ និងថ្ងៃហៀបលិចជះរស្មីពណ៌មាសផ្លេកៗ។  ដោយ​ធ្វើដំណើរ​តាមម៉ូតូឆ្លងកាត់ផ្លូវ​ឡើង​ចុះៗជម្រាលភ្នំដូចអន្ទង់អាំងប្រហែល​30នាទីពីទីរួមខេត្ត ភ្ញៀវ នឹងទៅដល់ភូមិពូតាំងដែលនៅមានផ្ទះរបៀបប្រពៃណីជនជាតិដើមភាគតិច និង មួយ​ចំនួនទៀតជាផ្ទះ ទ្រម៉ាក់ដំរី។ ភូមិនោះហាក់ដូចជាមានទីតាំង​នៅខ្ពស់ជាងទីរួមក្រុងសែនមនោរម្យដែលជាហេតុ​ធ្វើឲ្យ យើង​អាចមើលឃើញទិដ្ឋភាពទីរួមខេត្តមណ្ឌលគីរីទាំងមូលនាពេលយប់។ ពន្លឺអំពូលអគ្គីសនីទាំងនោះ ហាក់បីដូចពន្លឺផ្កាយ​លើ វេហាអមដោយខ្យល់ត្រជាក់ល្ហឹម អាចពង្វក់អារម្មណ៍លោក​អ្នកឲ្យភ្លេចខ្លួន ម្តង ម្កាលស្មានថាខ្លួនកំពុងនៅលើឋានសួគ៌ាដូច្នោះដែរ។