_PNG_correct_p.png){kind=logo}
UNIQUE TRIP
Connecting the community of "Agro-Eco-Tourism"
 INK STUDYCAUSEStudy cause about history of Angkor Borei temple |  TAP CHEANG COMLocal people build a road login to the waterfall |  Village's office information |
|---|---|---|
 NATURAL EDUCATION MOVIESWe product a movies to make a education about natural, conservation, forest protect and climate change. |
គម្រោងថតខ្សែភាពយន្តខ្លីពីអនុស្សាវរីយ៍ជនបទ
ខ្សែភាពយន្តខ្លីអនុស្សាវរីយ៍ជនបទ
គម្រោងនេះនឹងបង្ហាញជូនអ្នកទស្សនានូវទេសភាពដ៏ទាក់ទាញជុំវិញប្រទេសកម្ពុជា។ ក្រៅពីនេះគុណភាពជីវិតនិងអនុស្សាវរីយ៍អតីតកាលដែលមិនអាចបំភ្លេចបាន និង អ្វីដែលយើងអាចជួយដល់ស្រុកកំណើតសហគមន៍ទេសចរណ៍ក៏នឹងត្រូវលើកយកបង្ហាញក្នុងគម្រោងនេះដែរតាមរយៈការរៀបចំថតជាភាពយន្តខ្នាតខ្លីបែបមនោសញ្ចេតនានៅតាមតំបន់នីមួយៗនៃគោលដៅសហគមន៍អេកូទេសចរណ៍ទូទាំងប្រទេសកម្ពុជាពិសេសតំបន់ឆ្ងាយដាច់ ស្រយាល ព្រៃជ្រៅ ភូមិជនជាតិ,..។
គម្រោងកម្មវិធីត្រូវបានរំពឹងយ៉ាងមុតមាំថាមានអត្ថប្រយោជន៍ច្រើនដូចជាផ្សព្វផ្សាយវិស័យទេសចរណ៍សហគមន៍ទៅកាន់ពិភពលោក ជួយពាំនាំបញ្ហាប្រឈមនានារបស់ប្រជាជនសហគមន៍មកបង្ហាញសាធារណជនជួយរកដំណោះស្រាយជួយអភិវឌ្ឍជីវភាពសហគមន៍ តាមរយៈការលក់កញ្ចប់ទេសចរណ៍សហគមន៍ធម្ម ជាតិ ការបណ្តុះបណ្តាល ជំនាញពាក់ព័ន្ធ ការជម្រុញកិច្ចអភិរក្សធនធានធម្មជាតិ និង បម្រែបម្រួលបរិយាកាស។ ការជួយផ្តល់ការងារក្នុងស្រុកតាមរយៈការការពារធនធានធម្មជាតិ បានជម្រុញឲ្យការអភិវឌ្ឍសង្គមមួយប្រកបដោយសុខុមាលភាព និង ទំនួលខុសត្រូវ។
តាមរយៈកិច្ចការខាងលើនេះបានផ្តល់ឱកាសឲ្យយុវជនបានចូលរួមកិច្ចការសង្គមបានប្រើ ប្រាស់ពេលវេលក្នុងជីវិតប្របកដោយគុណតម្លៃផងដែរ។
One package Jungle trip opportunity
100$
ការផ្តល់ជូនកញ្ចប់សេវាកម្មដំណើរកម្សាន្ត១យប់២ថ្ងៃទៅកាន់ភ្នំ ទឹកជ្រោះ ដំរី ចម្ការប្រពៃណី បូក បញ្ចូលទាំងអាហារធម្មជាតិ ផ្ទះសំណាក់ និង សេវាទេសចរណ៍ផ្សេងៗទៀតដែលមាន។ លោកអ្នកសាកល្បងមើល៎,..ការដើរកាត់ព្រៃភ្នំដែលមាន ទេសភាព ដ៏អស្ចារ្យ ដើមឈើធំៗ សត្វព្រៃគ្រប់ ប្រភេទសម្លេងធម្មជាតិពិសេសទម្លាប់ប្លែកៗរបស់ជនជាតិដើមអាចឲ្យលោកអ្នកស្រឡាញ់ប្រទេសមួយនេះកាន់តែខ្លាំង ឡើង,...
1000$
Loan repay
យើងខ្ញុំជាក្រុមយុវជនថ្មីអ្នកស្រឡាញ់ធម្មជាតិនិងមាតុភូមិ ហើយមានគំនិតចង់ជួយត្រឡប់ទៅគ្រប់ទី កន្លែងដែលមានសក្តានុពលផ្នែកទេសចរណ៍ ដើម្បីផ្តល់ការងារ និង ចំណូលកាន់តែប្រសើរដល់ប្រជាជនក្នុងសហគមន៍ទាំងនោះវិញ។ប៉ុន្តែយើងមិនមានម្ចាស់ជំនួយពីក្រៅប្រទេសទេហើយម្យ៉ាងទៀតយើងចង់បង្កើតវប្បធម៌ជួយគ្នាក្នុងស្រុកតាមតែអាចធ្វើទៅបាន។តាមរយៈប្រាក់ជំនួយនេះយើងខ្ញុំនឹងសងត្រឡប់ជូនលោកអ្នកវិញរយៈពេល៣ឆ្នាំម្លោះទាំងដើមទាំងការ៨%ក្នុងមួយឆ្នាំ រឺ លក្ខខណ្ឌសមស្របដទៃទៀតដែលលោកអ្នកយល់ថាសុវត្ថិភាពចំពោះសាច់ប្រាក់របស់លោកអ្នក។ ក្រៅពីនេះយើងខ្ញុំនឹងវាយតម្លៃប្រសិទ្ធិភាពនៃការអនុវត្តការងារឥទ្ធិពលចំពោះសង្គម សារៈសំខាន់ដែលបង្កើតបានពីការប្រើប្រាស់ថវិការរបស់លោកអ្នក ហើយចុងក្រោយយើងខ្ញុំនឹងដាក់បង្ហាញឈ្មោះ និង រូបថតលោកអ្នកនិងក្រុមគ្រួសារជាម្ចាស់ជំនួយ លើគម្រោងអនុវត្តនោះផងដែរ។
នៅជុំវិញប្រទេសកម្ពុជាយើង មានទេសភាពស្រស់បំព្រង មានខ្យល់អាកាសបរិសុទ្ធ មានដំណាំហូបផ្លែមានចំការបន្លែប្រកបដោយគុណភាពគ្មានជាតិគីមីអាចផ្តល់គុណតម្លៃយ៉ាងក្រៃលែងដល់សុខភាព។
ជនបទ ថ្វីបើក្រ មិនទាន់សម័យ ប៉ុន្តែបង្កប់ទៅដោយកំណប់អនុស្សាវរីយ៍ច្រើនរាប់មិនអស់សម្រាប់ប្រជាជនគ្រប់រូប។ ទោះបីជាអ្នកបានឃ្លាតចាកឆ្ងាយពីភូមិកំណើតទៅហើយក្តី ទោះជាអ្នកបានលក់ដីផ្ទះនោះហើយរុះរើទីលំនៅថ្មីទៅកាន់ទីក្រុងរឺប្រទេសអភិវឌ្ឍនានាលើពិភពលោកក្តី ប៉ុន្តែស្លាកស្នាមអនុស្សាវរីយ៍ទាំងឡាយរបស់អ្នកតាំងពីកុមារភាពនៅតែដិតដាមតាមជាប់ក្នុងការចងចាំរបស់អ្នកជានិច្ច។ នៅពេលអ្នកបានឃើញភស្តុតាងនានាដូចជាសំណល់ផះចង្រ្កានបាយ ចំការ ដំណាំ បឹងបួរ វត្ថុទាំងនោះពិតជាថ្ពក់ទាញការនឹកឃើញឡើងវិញនូវរឿងរ៉ាវជាច្រើនក្នុងជីវិតរបស់អ្នក។
សូម្បីតែទិដ្ឋភាពថ្ងៃហៀបលិចជះរស្មីពណ៌មាសលើចំការពោតប្របមាត់បឹងដែលមានព្រលឹតរីករហង់ក៏ជាផ្ទាំងទស្សនីយ៍ភាពមួយដែលលោកអ្នកមិនអាចបំភ្លេចបានទៅហើយ,...ចុះទំរាំរឿងរ៉ាវផ្សេងៗទៀតដែលកប់ជ្រៅក្នុងក្រអៅបេះដូង ស្នេហាគ្រាដំបូងនៅក្រោមដើមមៀននៅកំពង់ទឹកនារាត្រីខែភ្លឺ អនុស្សាវរីយ៍ឃ្វាលគោជាមួយគ្នា ដាក់មង សន្ទូច ត្រីអន្លង់នារខែកក្តិកត្រជាក់ព្រឺកាមា ជឹះកង់កញ្ចាស់ទៅសាលាកាត់តាមវាលស្រែ ខែស្រូវទុំ,.. តើអ្នកបំភ្លេចបានទេ?
គម្រោងផលិតវីដេអូអនុស្សាវរីយ៍ជនបទនេះសំណូមពរយ៉ាងទទូចឲ្យមានការចូលរួមពីនិស្សិតនិងយុវជនដែលពាក់ព័ន្ធក្នុងកិច្ចអភិវឌ្ឍសង្គមរឺក្រុមមនុស្សវ័យក្មេងដែលមានការស្រឡាញ់ធម្មជាតិមានចំណាប់អារម្មណ៍លើការថតរូបថតវីដេអូនិងការផលិតខ្សែភាពយន្ត។ក្រុមការងាររបស់Unique Trip មានអ្នកជំនាញផ្នែកថតរូបអ្នក ជំនាញសរ សេរ Scrip, scenario, Writer, Graphic design and Video Editor ដែលពួកគាត់អាចផ្តល់ជូនប្អូនៗនូវចំណេះជំនាញស្តីពីការថតនិងការផលិតភាពយន្តបាន។ក្រៅពីនេះក្រុមការងារយើងមានម៉ាស៊ីនថតកែវថត(Lens)និងឧបករណ៍ជំនួយការថតទំនើបៗដែលអាចឲ្យកម្មសិក្សាការី រៀនសូត្រឈ្វេងយល់ពីបច្ចេកវិទ្យាដែលកំពុងអភិវឌ្ឍយ៉ាងខ្លាំងលើវិស័យភាពយន្តនាពេលបច្ចុប្បន្ន។ក្នុងឱកាសនេះដែរអ្នកចូលរួមទាំងនោះនឹងត្រូវបានជ្រើសរើសឲ្យដើរតួរសំខាន់ណាមួយក្នុងសាច់រឿងហើយពួកគាត់ក៏អាចមានឱកាសអភិវឌ្ឍខ្លួនក្នុងវិស័យថតស្ព៉តពាណិជ្ជកម្មឲ្យក្រុមអាជីវកម្មមួយចំនួនដែលមានកុងត្រាថតជាមួយស្ទ៉តឌីយ៉ូរបស់ Unique Trip.
25$
Thank you card
ក្រុមការងារយើងខ្ញុំនឹងផ្ញើជូនលោកអ្នកនូវប័ណ្ណ ថ្លែងអំណរគុណនិងបង្ហោះជាសាធារណៈបង្ហាញពីការដឹកគុណដែលលោកអ្នកបានចូលរួមបរិច្ចាគធនធានសម្រាប់ការអភិវឌ្ឍសហគមន៍ទេសចរណ៍កម្ពុជា។ខ្មែរជួយខ្មែរ!ហើយជំនួយរបស់លោកអ្នកមានសារសំខាន់ណាស់គឺសំខាន់ជាងការឲ្យលុយធីបទៅនារីខារ៉ាអូខេផង។
One package community trip opportunity
50$
ការផ្តល់ជូនកញ្ចប់សេវាកម្មសម្រាប់ដំណើរកម្សាន្ត១យប់២ថ្ងៃទៅកាន់សហគមន៍ទេសចរណ៍នានាបូកបញ្ចូលទាំងអាហារធម្មជាតិផ្ទះសំណាក់ និង សេវាទេសចរណ៍ផ្សេងៗទៀតដែលមាន។ លោកអ្នកសាកល្បងមើល៎,.ពន្លឺព្រះច័ន្ទពេញវង់នៅចំការប្របមាត់ស្ទឹងជាមួយខ្យល់អាកាសល្វើយៗដុតពោត អាំងត្រី បុកក្តឹបអំពឹលបាយកក,.. តើរស់ជាតិជិវិតបែបនេះប្លែកយ៉ាងណាដែរ?
500$
លោកអ្នកអាចចូលរួមជាមួយក្រុមការងារផលិតវីដេអូអនុស្សាវរីយ៍ជនបទហើយក៏អាចលើកឡើងជាគំនិតថ្មីៗទៀត រឺ ណែនាំសហគមន៍ថ្មីៗដែលលោកអ្នកបានស្គាល់ រឺ ជាទីកំណើតរបស់លោកអ្នកដើម្បីឲ្យក្រុមការងារយើងបានដាក់ចូលកម្មវិធី «One dream Project» ជួយគ្នាធ្វើយ៉ាងណាឲ្យសុបិន្តក្លាយជាការពិត។ តើលោកអ្នកធ្លាប់គិតចង់ជួយដល់សហគមន៍កំណើតរបស់លោកអ្នក ឲ្យស្រស់បំព្រងដែរទេ?,..
Joint goup movies production opportunity
គម្រោងនេះបង្កើតឡើងដើម្បីថ្ពក់ទាញការចាប់អារម្មណ៍ឡើងវិញពីសំណាក់ប្រជាជនទូទៅចំពោះសហគមន៍ទេសចរណ៍ជនបទ។ តាមរយៈចំណុចសំខាន់ៗក្នុងសេណារីយ៉ូថតរបស់ខ្សែភាពយន្តនឹងបង្ហាញពីរបៀបកម្សាន្ត ការបង្កើនគុណភាពជីវិត ការយកចិត្តទុកដាក់ថែរក្សាធម្មជាតិ និង របៀបដែលធម្មជាតិផ្តល់ឲ្យជីវិតពួកយើងវិញ។ ក្រៅពីនេះក៏មានបង្ហាញផងដែរបញ្ហាប្រឈមនានា និង ការដង្ហោយរកជំនួយរបស់សហគមន៍ជនបទ និង របៀបដែលកុលបុត្រកុលធីតាខ្មែរអាចជួយទៅកាន់មាតុកំណើតរបស់ពួកគេ វិញបាន។
គម្រោងនេះផ្តោតលើបណ្តាញសហគមន៍ទេសចរណ៍ទាំងអស់ជុំវិញប្រទេសកម្ពុជានិងតំបន់សក្តានុពលទេសចរណ៍ផ្សេងទៀតដែលមិនទាន់បានបង្កើតទៅជាសហគមន៍ទេសចរណ៍ដើម្បីចូលរួមផ្សព្វផ្សាយសេវាកម្មទេសចរណ៍ជនបទទៅកាន់ពិភពលោក និង ទាក់ទាញការទិញកញ្ចប់សេវាកម្មទេសចរណ៍មកកាន់សហគមន៍វិញដើម្បីលើកម្ពស់កម្រឹតជីវភាពពលរដ្ឋមូលដ្ឋាន។
ជំហ៊ានទី១គឺចាប់ផ្តើមពីយុវជនអ្នកចូលចិត្តការតែងនិពន្ធ។ គម្រោងនេះនឹងលើកទឹកចិត្តឲ្យមានការចូលរួមពីក្រុមអ្នកនិពន្ធវ័យក្មេងដែលស្រឡាញ់ធម្មជាតិ ពិសេសក្រុមយុវជនរៀនផលិតភាពយន្តដោយគ្មានជំនួយឧបត្ថម្ភ។ Unique Trip នឹងរៀបចំបង្កើតឲ្យមានក្រុមពីរ៖ ទី១ ក្រុមអ្នកនិពន្ធឯករាជ មិនជាប់កិច្ចសន្យា ហើយយើងនឹងធ្វើការជ្រើសរើសសេណារីយ៉ូមួយចំនួនដែលមានភាពទាក់ទាញខ្លាំង ហើយចំគោលដៅសហគមន៍ទេសចរណ៍ ដើម្បីយកមកផលិតជាខ្សែភាពយន្ត។ ក្រុមទី២ ជាក្រុមអ្នកចូលចិត្តការថតនិង ការដើរកម្សាន្តតាមបែបធម្មជាតិ។ Unique Trip នឹងគាំទ្រសកម្មភាពពួកគាត់ឲ្យចូលរួម ថតទៅតាមសេណារីយ៉ូដែលបានជ្រើសរើស។។។
អំពីតួរអង្គ៖ តួរអង្គក្នុងភាពយន្តនេះ នឹងផ្តោតសំខាន់លើអ្នកភូមិពិតប្រាកដ (មិនមែនអ្នកសំដែង) ទីកន្លែង និង ទេសភាពក៏ពិតជាក់ស្តែងដែរ ប៉ុន្តែបើមានការចាំបាច់ក្នុងការរចនាសម្រស់ផ្ទៃរឿង យើងអាចជ្រើសរើសតួរសក្តិសមខ្លះៗពីក្រុមទាំងពីរខាងលើ។
Unique Trip រៀបចំឲ្យមាន Studio សម្រាប់ជាការិយាល័យពិភាក្សាការងាររបស់ក្រុមអ្នកផលិតខ្សែភាពយន្តអនុស្សាវរីយ៍ជនបទ។ ក្រៅពីនេះសម្ភារៈឧបករណ៍សម្រាប់ថតដូច ជាម៉ាស៊ីនថតជាដើមក្រុមយុវជនស្មគ្រចិត្តអាចប្រើប្រាស់របស់ផ្ទាល់ខ្លួន តែចំពោះការថត ជាផ្លូវការ Unique Trip អនុញ្ញតិឲ្យប្រើសម្ភារៈឧបករណ៍របស់សមាគមដែលមានកម្រឹតគុណភាពទទួលស្គាល់ដោយនាយកគ្រប់គ្រងបច្ចេកទេសផ្នែកភាពយន្ត។ ចំណែកឯការចុះទៅកាន់ទីតាំងថតនៅតាមសហគមន៍ ក្រុមការងារអាចប្រើប្រាស់រថយន្តទេសចរណ៍របស់ Unique Trip រឺក៏ចុះទៅជាមួយភ្ញៀវទេសចរណ៍ដែលបានទិញកញ្ចប់សេវាកម្មទេសចរណ៍ ស្របពេលជាមួយគ្នានោះពួកគាត់អាចដើរកម្សាន្តនៅតាមទីតាំងទេសចរណ៍នានាទូទាំងប្រទេសជាមួយភ្ញៀវទេសចរណ។ គម្រោងថវិការចំណាយស្ថិតក្នុងបន្ទុករបស់សមាគម រួមទាំងការស្នាក់នៅ អាហារ និង ការគាំពារផ្លូវច្បាប់។
ប្អូនៗអ្នកស្រឡាញ់ការតែងនិពន្ធ ការថត ការសម្តែង ការរចនាម៉ូដ ការតុបតែងមុខ ការកាត់ត និង ក្រាហ្វិកឌីហ្សាញ,..ទាំងអស់គ្នាជាទីមេត្រី! ។
ឆ្លងតាមបទពិសោធន៍ជាច្រើនឆ្នាំរបស់ខ្ញុំលើការងារជាអ្នកដឹកនាំការសម្តែង ការថត និង កាត់តវីដេអូ តាមរយៈការងារជាបុគ្គលិកស្ម័គ្រចិត្តនៅតាមបណ្តារក្រុមហ៊ុនផលិតកម្មនានា ខ្ញុំសូមបង្ហើរសារដ៏មានសារៈសំខាន់នេះជូនអ្នកទាំងអស់គ្នាថាការចូលរួមការងារ Volunteer / Internship មានតម្លៃជាងការគិតរបស់សិស្ស-និស្សិតមួយចំនួនធំដែលមិនទាន់មានបទពិសោធន៍ដែលចេះតែធ្វើទោះការងារអ្វីក៏ដោយឲ្យតែបានប្រាក់ខែបន្តិចបន្ទួច ទោះជាមិនត្រូវនឹងចំណូលចិត្តពិតប្រាកដរបស់ខ្លួនក្តី។ ខ្ញុំសូមបញ្ជាក់ប្រាប់ប្អូនៗថា ការសម្រេចបែបនេះអាចឲ្យប្អូនៗខាតបង់ពេលវេលាដ៏មានតម្លៃក្នុងវ័យសក្តានុពលរបស់ខ្លួន រីឯ Volunteer / Internship វិញអាចឲ្យអ្នកទាំងអស់គ្នារកបានជំនាញពិតប្រាកដដែលពិបាករកនៅតាមសាលារៀនហើយអ្នកទាំងអស់គ្នាអាចរកបានឱកាសយ៉ាងលឿនក្នុងការលូតលាស់ទៅមុខប្រកបដោយមោទកភាព មិនត្រឹមតែដើម្បីខ្លួនឯងនេះក៏ដើម្បីសង្គមមួយដែលពួកយើងរស់នៅដ៏សុខុដុមទាំងអស់គ្នាផងដែរ,..។
