តើអ្វីទៅជា«សុបិន្ត»?ហេតុអ្វីត្រូវមានសុបិន្ត? ហេតុអ្វីចាំបាច់បង្កើតសុបិន្ត? បើនិយាយចំពោះ​មនុស្ស​គេង​លក់​គេថាយល់សប្តិ ហើយបាត់ទៅវិញនៅពេលភ្ញាក់ឡើង ប៉ុន្តែបើការភ្នកមម៉ៃនេះនៅតែដិតដាមក្នុងខួរក្បាលមិនព្រមបាត់ទៅវិញសោះ​ទាំង​ពេលភ្នែក ស្រស់​ទាំង​ពេល​ដេក​​លក់ហើយភ្ញាក់​ឡើងនៅតែមាន​ទៀតនោះជាសុបិន្ត។ គ្មានអ្នក​ណាម្នាក់​រស់និងធ្វើអ្វីមួយ​ដោយ​គ្មានសុបិន្តឡើយ ប៉ុន្តែអ្នកក៏មិនអាចធ្វើអ្វី​បាន​ភ្លាមៗតាម​ដែល​អ្នក​ចង់​បាននៅ​ក្នុង​សុបិន្តនោះ​ដែរ។ មានសុបិន្តចម្លែកៗជា​ច្រើន​លើលោកនេះបានក្លាយ ជាការពិតទៅហើយ។ ដូចគ្នាដែរ,សុបិន្តរបស់​អ្នកក៏អាច​ក្លាយជាការពិតដោយ​ការ ផ្តោតផែន​ការច្បាស់​លាស់, ការ​ចុះកម្ម​សិក្សា ការ​ស្រាវជ្រាវ មើលអ្វីដែលជាគម្រូ ការកសាង​ដៃគូ​សហការ ​ហើយត្រឡប់មក​វិញគូសវាស​ឲ្យចេញ​ជារូបរាងពាក់​កណ្តាលពិត​(ប្លង់ម៉ាកែត)។ ការពិចារ​ណា​លើមធ្យោ​បាយអនុវត្ត និង ខ្ទង់ចំណាយ, ពិចារ ណា​លើ​និរន្តិ៍ភាពនៃ​ដំណើរការ (Sustainable of Development) និងផលជះត្រឡប់ (Society Impack) ដើម្បី​ទ្ររទ្រង់ការ អនុវត្តបន្ត រួច​ធ្វើចំណាត់​ថ្នាក់​អាទិភាព (Top arrangement) និងជ្រើសរើសយក​គម្រោង​សក្តា​នុ​ពល (Selection) យកទៅអនុ​វត្ត។ ពេលអ្នកអនុវត្តបាន​វានឹងក្លាយ​ជាគ្រាប់​ពូជបណ្តុះសុបិន្ត​សម្រាប់​អ្នកជំនាន់ក្រោយៗទៀតបន្តគ្នា។

   "One dream Project" នឹងអនុញ្ញតិឲ្យយុវជន​ខ្មែរ​ជំនាន់​ថ្មីដែលប្រកបដោយសក្តានុពលអាចចូល Post ដោយសេរី​នូវ​បំណង​ប្រថ្នា​របស់ខ្លួនដើម្បីបង្ហាញដល់ពិភពលោកផង និង​​ រម្លឹកដល់ខ្លួនឯងជានិច្ចផងអំពីអ្វីដែលខ្លួនចង់ធ្វើវា ឲ្យបាន​ចំពោះខ្លួនឯង ក្រុមគ្រួសារ និងប្រទេសជាតិ។

   ក្រុមការងារពិសេសរបស់ One Dream Project នឹងអនុញ្ញតិឲ្យអ្នកទាំងអស់គ្នាចូលរួមកម្មសិក្សាជាមួយគម្រោងនេះទៅគ្រប់ ទីតំបន់ទាំងអស់ដែលស្ថិតក្នុងគោលដៅអភិវឌ្ឍសហគមន៍ទេសចរណ៍ធម្មជាតិដើម្បីឲ្យលោកអ្នកបង្កើតសុបិន្តមួយប្រកបដោយមូល ដ្ឋានច្បាស់លាស់។ បន្ទាប់មកយើងនឹងជ្រើសរើស Profile សុបិន្តមួយណាដែលមាន​សក្តានុពលជាងគេយកមកបង្កើតប្លង់ម៉ាកែត ផ្អែកលើមាត្រដ្ឋានទីតាំងជាក់ស្តែងរបស់ម្ចាស់គម្រោងនៅក្នុងការិយា​ល័យការងារ របស់ Unique Trip ហើយម្ចាស់គម្រោងត្រូវ អភិវឌ្ឍប្លង់ពិតនេះឲ្យបានល្អដើម្បីដាក់បង្ហាញ​ដល់ម្ចាស់​ជំនួយ និង អ្នកវិន្និយោគនានាទាក់ទាញចំណាប់អារម្មណ៍ពិសេសក្រុមអ្នក ចូលរួមរបស់​សុបិន្តមួយ​ជួយគ្នា​ក្នុង​ការធ្វើ​ឲ្យបាន​សម្រេចគម្រោងម្តងម្នាក់។