ការគ្រប់គ្រងតម្លៃសេវាកម្ម និងបុគ្គលិក

ស្តង់ដារតម្លៃ និងសេវាកម្ម

ផ្ទះសំណាក់មួយ (មានមួយបន្ទប់ មានរានហាលខាងមុខ បូករួមទាំងប្រជាការពារសន្តិសុខ)

តម្លៃ 2$ សម្រាប់សិស្សវិទ្យាល័យ អាចស្នាក់នៅបានពីរនាក់ មួយព្រឹក ឬ មួយរសៀល។

តម្លៃ 3$ សម្រាប់ភ្ញៀវខ្មែរ ស្នាក់នៅមួយយប់

តម្លៃ 4$ សម្រាប់ភ្ញៀវបរទេសស្នាក់នៅមួយយប់

រោងអង្គុយលេង ញ៉ាំអាហារ (ប្រភេទរោង Hall ចែកជាថ្នាក់ៗ អាចអង្គុយលេងស៊ីផឹកបានច្រើននាក់)

តម្លៃ 1$​ សម្រាប់ភ្ញៀវខ្មែរម្នាក់ អង្គុយមួយអស់ចិត្ត

តម្លៃ 2$​ សម្រាប់ភ្ញៀវបរទេសម្នាក់ អង្គុយមួយអស់ចិត្ត

កន្លែងចងអង្រឹង និងអង្រឹង

តម្លៃ 0,5$ សម្រាប់ភ្ញៀវខ្មែរម្នាក់ អង្គុយមួយអស់ចិត្ត

តម្លៃ 1$​ សម្រាប់ភ្ញៀវបរទេសម្នាក់ អង្គុយមួយអស់ចិត្ត

តម្លៃ 2$​ សម្រាប់ភ្ញៀវខ្មែរម្នាក់ (នេសាទតាមគោលដៅម្ចាស់ទូកមួយព្រលប់ធំវិលវិញ និងឡើងទៅលើកជិតភ្លឺ)

តម្លៃ 4$​ សម្រាប់ភ្ញៀវបរទេសម្នាក់

Free កម្មវិធីចម្អិនជាមួយសហគមន៍

តម្លៃ 1$​ សម្រាប់ភ្ញៀវខ្មែរម្នាក់ ស្ទូចលេងជុំវិញភ្នំ មួយព្រឹក ឬ មួយរសៀល

តម្លៃ 2$​ សម្រាប់ភ្ញៀវបរទេសម្នាក់ ស្ទូចលេងជុំវិញភ្នំ មួយព្រឹក ឬ មួយរសៀល

Free កម្មវិធីចំអិនម្ហូបជាមួយសហគមន៍

*** នេសាទត្រូវគោរពតាមគោលការណ៍សហគមន៍ ដើម្បីនិរន្តរិ៍ភាពនៃពូជត្រី និងការកម្សាន្ត។

រទេះគោ និង កង់ ជិះជុំវិញភ្នំទស្សនាជីវភាពប្រជាជនមួយក្រុមមានគ្នា 2-4នាក់ ចេញដំណើរ

តម្លៃ 1$​ សម្រាប់ភ្ញៀវខ្មែរម្នាក់

តម្លៃ 2$​ សម្រាប់ភ្ញៀវបរទេសម្នាក់

រទេះសេះជិះទស្សនាប្រាសាទបុរាណ វត្តគំនូរ និងសារមន្ទីរមួយក្រុមមានគ្នា 2-3នាក់ ចេញដំណើរ

តម្លៃ 7$​ សម្រាប់រទេះសេះភ្ញៀវខ្មែរ ចេញដំណើរមួយជើង

តម្លៃ 10$​ សម្រាប់រទេះសេះភ្ញៀវបរទេសម្នាក់ចេញដំណើរមួយជើង

បុគ្គលិកជំនាញ

      Unique Trip នឹងដាក់បុគ្គលិកជំនាញរបស់ខ្លួនម្នាក់ ដើម្បីកាន់កិច្ចការនៅការិយាល័យព័ត៌មានទេសចរណ៍សហគ​មន៍។ រាល់កិច្ចការរបស់បុគ្គលិកជំនាញ ស្ថិតក្រោមការគ្រប់គ្រងដោយ Unique Trip​ ការិយាល័យកណ្តាល និងទាក់ទងទៅកាន់ការិយាល័យរងនៅតាមខេត្តផ្សេងៗ ដើម្បីបម្រើសេវាកម្មទេសចរណ៍ ជូនភ្ញៀវ ដែលត្រូវបន្តដំណើរទៅកាន់តំបន់ទេសចរណ៍នានាទូទាំងប្រទេស។ បុគ្គលិករូបនោះនឹងធ្វើការជាមួយក្រុមសហគមន៍ ដើម្បីផ្តល់ការហ្វឹកហាត់ ការងារជូនពួកគាត់ សម្របសម្រួល ដោះស្រាយបញ្ហា នឹង រក្សាគុណភាពសេវាកម្មជូនភ្ញៀវទេសចរណ៍។ ក្រៅពីនេះ តួនាទីភារកិច្ចមានចែងក្នុងគោល នយោបាយគ្រប់គ្រងធនធានមនុស្សរបស់ Unique Trip ។

សមាជិកសហគមន៍

   សមាជិកសហគមន៍មានតួនាទីភារកិច្ចដូចមានចែងក្នុងប្រការទី៩។ សមាជិកដែលមានតួនាទីភារកិច្ច ជាបណ្តាញ​សមាជិកដែលជាម្ចាស់ផ្ទះសំណាក់ សហគមន៍ និងម្ចាស់សេវាកម្មផ្ទាល់។ ដូច្នេះពួកគាត់មិនមានចែងអំពីប្រាក់ឈ្នួល ឬ ប្រាក់ខែឡើយ ពោលគឺពួកគាត់ជាអ្នកបម្រើសេវាកម្មទេសចរណ៍ ហើយ ទទួលយកប្រាក់ថ្លៃឈ្នួលដោយផ្ទាល់ពីការលក់កញ្ចប់សេវាកម្មនោះក្រោយ​ ពេលកាត់កងដាក់កញ្ចប់ថវិកាបម្រុងតាមគោលការណ៍។

ការគ្រប់គ្រងកញ្ចប់ថវិការធ្វើឡើងដោយមានតម្លាភាព តាមរយៈវិក័យបត្រទូទាត់ សំបុត្រទិញចូលទស្សនា។​ សាច់​ប្រាក់ចំណូលសរុបត្រូវកាត់ 20% ដូចគ្នា គ្រប់ប្រតិបត្តិការទាំងអស់ ទាំងចំណូលពីសហគមន៍ និងចំណូលពីការលក់កញ្ចប់សេវាកម្មដោយ Unique Trip ការិយាល័យកណ្តាលដោយដាក់បញ្ចូល ទៅក្នុងគណនេយ្យថវិកាបម្រុងអភិវឌ្ឍសហគមន៍ និង​ទ្រទ្រង់ប្រព័ន្ធ​ការងារ។ បុគ្គលិកជំនាញរបស់ Unique Trip ជាអ្នកចាត់ចែងបញ្ហានេះជាមួយម្ចាស់ សហគមន៍ ដើម្បីធានាភាពរលូននៃដំណើរចំណូល-ចំណាយ។

    ការចុះបញ្ជីរចំណូល កត់ត្រាឈ្មោះភ្ញៀវ ការទទួលប្រាក់កក់ ការចាត់ចែងសេវាកម្ម ម្ហូបអាហារ ការរក្សា ផ្ទះសំណាក់ សហគមន៍ ដើម្បីចាំទទួល ភ្ញៀវដែលបានកក់ប្រាក់ គឺត្រូវធ្វើឡើងព្រមគ្នាជាមួយម្ចាស់ផ្ទះសំណាក់​ណាដែល​ទទួល​បាន​សេវាសកម្មនេះ ដើម្បីធានាគុណភាពសេវាកម្ម។ ការកក់ និងទិញ សេវាកម្មពីសហគមន៍ ត្រូវធ្វើឡើងតាមកាលវិភាគ និងបែង​ចែក​​ក្រុមភ្ញៀវយ៉ាងណា​ធានាប្រាក់​ចំណូលឲ្យបានសមរម្យចំពោះសមាជិកម្នាក់ៗ ក្នុងខែនីមួយៗ ជៀសវាងមានអ្នកបានច្រើនពេក និងអ្នកមិនបាន​ទទួល​សោះ បង្កឲ្យ​មានជំលោះក្នុងសហគមន៍។

ប្រការ៥៖ ការបង្កើតគណៈកម្មការគ្រប់គ្រងសហមន៍ និងគោលបំណងគម្រោងផែនការ និងគ្រប់គ្រងទេសចរណ៍ធម្មជាតិភ្នំបូរី ក្នុងឃុំអង្គរបូរី ស្រុកអង្គរបូរី ខេត្តតាកែវ។

ប្រមូលផ្តុំ ដឹកនាំ និងប្រើប្រាស់ធនធានក្នុងតំបន់ឲ្យមានប្រសិទ្ធិភាព ដើម្បីអភិវឌ្ឍទេសចរណ៍សហគមន៍​

ប្រការ៦៖ ផលប្រយោជន៍នៃការបង្កើតសហគមន៍ទេសចរណ៍ធម្មជាតិនៅក្នុងតំបន់ពីសេវាទេសចរណ៍ និងធនធានធម្មជាតិ។

ផ្ដល់ផលប្រយោជន៍ជាប្រយោលដល់អ្នកទេសចរ និងប្រជាជនដែលមកធ្វើទស្សនកិច្ច​នៅតំបន់ទេសចរណ៍​វប្បធម៌ធម្មជាតិអង្គរបូរី។ ធ្វើឲ្យមានការរីកលូតលាស់ ផ្នែកសេវាកម្មទេសចរណ៍ ដែលអ្នកវិនិយោគផ្សេងទៀតចូលរួមធ្វើ ក្រោយពេលមើលឃើញថាតំបន់មានកំណើនភ្ញៀវទេសចរណ៍​។

ប្រការ៧៖​ ការបោះឆ្នោតជ្រើសរើសគណៈកម្មការ

- អ្នកភូមិក្នុងភូមិនីមួយៗ ត្រូវតែងតាំងមនុស្ស ៤នាក់ ក្នុងភូមិរបស់ខ្លួនជាបេក្ខជន ក្នុងនោះមាន ស្ត្រី ២នាក់ និង ​ប្រុស​​ ២នាក់ ឬ បេក្ខជនទាំងនោះ ត្រូវជ្រើសដោយអ្នកជំនាញរបស់ Utrip (យូទ្រីប) ក្រោយវាយតម្លៃពី​សមត្ថ​ភាពចូលរួម និង លក្ខណៈសម្បត្តិអាចប្រព្រឹត្តិទៅបានតាមលក្ខន្តិកៈសមាគម ជាជំហានដំបូង។

-  ប្រសិនបើការតែងតាំងនោះអាចទទួលយកបាន អ្នកភូមិទាំងអស់នឹងបោះឆ្នោត ដើម្បីជ្រើសតំណាងមួយរូប​សម្រាប់ភូមិរបស់ខ្លួន។

- ការបោះឆ្នោតជ្រើសរើសតំណាងស្រ្ដីទាំងអស់មកពីភូមិទាំងអស់ គណៈកម្មការនឹងជ្រើសរើសអ្នកតំណាងស្រ្ដី​ ៤នាក់ ទៀត។ ជ្រើសរើសអ្នកតំណាងតាម ភូមិរួចមក ស្រ្ដីជាបេក្ខជនដែលនៅសល់ត្រូវប្រជុំគ្នា ដើម្បី​បោះឆ្នោតម្ដងទៀតរើសតំណាងស្រ្ដី ៤នាក់។ ស្រ្ដីដែលចូលរួមប្រជុំ នេះមានសិទ្ធិស្មើៗគ្នា ក្នុងការឈរឈ្មោះឲ្យគេបោះឆ្នោតឲ្យ។ ក្រោយពីបានបោះឆ្នោត ជ្រើសរើសតំណាងតាមភូមិនីមួយៗ និងតំណាងស្រ្ដីទាំងអស់រួចមក គណៈកម្មការ​ទេសចរណ៍​ធម្មជាតិ កោះប្រជុំសមាជិករបស់ខ្លួន ដើម្បីបោះឆ្នោតជ្រើសរើស​ប្រធាន។ សមាជិកទាំងអស់មានសិទ្ធិឈរ​ឈ្មោះ​​ជាបេក្ខជន ប្រធានសហគមន៍នេះ។ អាចជាប់ឆ្នោតជាប្រធានសហគមន៍បានលុះ​ត្រា​តែបេក្ខជននោះអាច ទទួល​បាន​សម្លេងយ៉ាងតិចមួយភាគពីរនៃសន្លឹកឆ្នោត។

       ដើម្បីបោះឆ្នោតជ្រើសរើសសមាជិកគណៈកម្មការអ្នកភូមិម្នាក់ៗត្រូវមានលក្ខណៈសម្បត្តិដូចខាងក្រោមៈ

អ្នកភូមិដែលបានចុះឆ្នោតរួចហើយ (នៅក្រុមប្រឹក្សាឃុំសង្កាត់) ត្រូវមានអាយុចាប់ពី ១៨ ឆ្នាំឡើងទៅ។

ប្រការ៨៖ តួនាទីរបស់គណៈកម្មការប្រតិបត្តិសហគមន៍ (Community Committee)

ផែនការគ្រប់គ្រងតំបន់ទេសចរណ៍ធម្មជាតិនេះ។ ពន្យល់អ្នកភូមិអំពីទស្សនៈនៃការបង្កើត​សហ​គម​ន៍​​ទេស​ចរណ៍​ធម្មជាតិ ជម្រុញលើកទឹកចិត្តឲ្យមានការចូល រួមពីអ្នកភូមិ។ រៀបចំគ្រប់គ្រង និងអនុវត្ដការងារទេសចរណ៍ធម្មជាតិដែលគ្រប់គ្រងដោយសហគមន៍។ ជាមួយអ្នកពាក់ព័ន្ធសំខាន់ៗសម្រាប់វិស័យទេសចរណ៍ ធម្មជាតិដែលគ្រប់គ្រងដោយសហគមន៍ដូចជា៖ ម្ចាស់ដីកម្មសិទ្ធិ អាជ្ញាធរមូលដ្ឋាន អង្កការក្រៅរដ្ឋាភិបាល និងសារមន្ទីរជា​ដើម។ ​មុខងារអភិវឌ្ឍតំបន់ការពារ ធម្មជាតិ និងសេវាផ្សេងៗជាពិសេសតាមរយៈ​ការវាយតម្លៃរបស់​អ្នក​ទេសចរ។ ដំណើរការគ្រប់គ្រប់គ្រង ប្រសិទ្ធិភាពគ្រប់គ្រង ចំណាត់ការការងារ គម្រោង​ថវិកា ស្វែងរកម្ចាស់ជំនួយ បន្ថែមទុនវិនិយោគដោយឡែក ដើម្បីកែប្រែមុខមាត់សហគមន៍ទាក់ទាញភ្ញៀវទេសចរណ៍ ជម្រុញឲ្យមានដំណើរកម្សាន្តមកកាន់សហគមន៍

អនុវត្តបច្ចេកទេសផ្សព្វផ្សាយ ប្រព័ន្ធផ្សព្វផ្សាយ ទីផ្សារ បង្ហាញទៅកាន់ពិភពលោកអំពីចំណុចពិសេសរបស់សហគមន៍។