ការផ្តោតលើសហគមន៍ទេសចរណ៍ បានជួយយ៉ាងច្រើនដល់កិច្ច អភិវឌ្ឍសង្គម។ តាមរយៈការទិញកញ្ចប់សេវាកម្មដោយផ្ទាល់ពីប្រ ជាជនសហគមន៍គឺលោកអ្នកបានជួយដល់ជីវភាពពួកគាត់ឲ្យកាន់ តែប្រសើរឡើង និង ទប់ស្កាត់គ្រោះថ្នាក់បណ្តាលមកពីការធ្វើ ចំណាក ស្រុក។

យើងមានជំនឿដូចលោកអ្នកដែរថា នៅពេលហត់នឿយនឹងការងារ ខ្លាំង លោកអ្នកតែងគិតដល់ការសម្រាកលម្ហែដ៏ល្អមួយ។ ពិសេស ជាងគេ លោកពុក អ្នកម៉ែ ដែលមានវ័យចំណាស់បន្ទាប់ពីចូលនិវត្ត គឺត្រូវការជីវិតសុខស្ងប់មួយ។ ការសម្រាកនៅក្នុងផ្ទះសហគមន៍ ដែលមានរុក្ខជាតិលំអពណ៌បៃតង មានបរិយាកាសល្អខ្យល់បរិ សុទ្ធ។ ពេលល្ងាចលោកអ្នកអាចគយគន់ថ្ងៃលិចគងភ្នំ ពេលព្រឹក ញ៉ាំកាហ្វេធម្មជាតិ មើលថ្ងៃរះ ជឹះកង់កាត់ភូមិ ទស្សនាវាលស្រែ សួនដំណាំ តាមបឹងឈូក សរសៀរជើងភ្នំ គយគន់ទិដ្ឋា​ភាព​ពេលរាត្រីនៃទីក្រុងអង្គរទាំងមូល បើមានពេលក៏អាចដើរទស្សនា​សត្វស្លាបដ៏គួរឲ្យអាណិតស្រឡាញ់នៅតាមវាលស្រែ ចំការដំណាំ តាមបឹងធម្មជាតិ ជិះទូកលំហែ ញ៉ាំបន្លែបរិសុទ្ធ។ យប់ឡើងនារា​ត្រី ស្ងប់ស្ងាត់គ្មានសម្លេងរំខានឡានម៉ូតូ លោក​អ្នកអាចគេង​ស្ងប់​ស្កល់។  នោះហើយជាអ្វីដែលយើងប្តេជ្ញាផ្តល់ជូន​លោក​អ្នក។

លើសពីនេះ លោកអ្នកក៏អាចទស្សនាប្រាង្គប្រាសាទអង្គរវត្តដ៏​អស្ចារ្យផងដែរ។